第三日: 3月19日(星期一)，天氣寒冷，密雲。
今朝8:30早餐，我地要離開「福岡」，去九州最北--「門司港」。今日早餐試吃第二款魚料理，唔錯，魚唔腥，要食飽D，果度天氣比「福岡」凍好多呢！
打開地圖看看，我們2008年已去過這些圈住的地方，差不多全南九州叫去過了，所以今次集中玩北九州
「博多」，「太宰府」，「小倉」及「門司港」是今次的行程！
南九州？下次先再去，不過九州好多不同款的列車！
大家請注意，如果乘普通列車去「門司港」要差不多兩小時，要坐「新幹線」去「小倉」轉火車去「門司港」，先到售票處買飛，
要二千幾日元一個人，係好貴，但節省好多時間！(一個人兩張飛疊住過集機!)
有售票員懂普通話，不用怕言語不通，乘新幹線一個站到小倉(中途站)，15分鐘左右！
搭呢架往東京的新幹線(子彈火車)，在「小倉站」下車！
新幹線又定又舒服！9:23分開車
我地今日終於買到新幹線便當，大舊又要食嘢！不過好快到「小倉站」，我地食唔切！
仲要荒死冇人知！周圍望！
約9:42到「小倉站」！
又有便當賣。
大眼買咗碗hello kitty麵返hk！
轉車要到下層，留意地下的指示。
留意:落一層到大堂有專用通道轉乘火車，兩張飛疊住過集機，收去一張飛，步行去火車月台！
到另一月台轉火車，往「門司港」方向！我地坐10:14分果架
有好多月台，唔好上錯車！
月台都有間拉麵店，真係乜都得。
日本d火車好多款式，啱哂火車迷！好型
有新又有舊！
到喇，我們坐呢輛。
好快,10:25am 到了目的地。(約10分鍾車程到門司港)
絕對是一次火車之旅！
好懷舊的一個火車站！
門司港 history:--「門司港」是從明治至大正時期繁榮的國際貿易港，是日本與歐洲，中國及亞洲地區的通道，也是本州與九州的交匯處。
由於當年和洋集處，週圍都很多歐式風格的建築物。
現今這些建築物已是文物，並改裝成集餐廳，購物，博物館等，發展成今日的「門司港retro觀光區」。
「門司港」呢期放了河豚燈慶祝河豚節！
出閘喇，用餘下的一張車票便可！
「門司港」本身景點集中，玩半天足夠
這裏大大小小展示館衆多，我地一定行唔哂，要揀定幾間有興趣看的！
火車迷來到一定唔捨得走！
fees ￥300 adult, children ￥150
展出火車架架都係古董
呢架可以入內參觀。
完全是時光倒流！
呢架上面有床瞓添。
這間建於1891年的「九州鐵道本社」，於2003改建成今日的「九州鐵道紀念館」
三月也是日本的女兒節月份，到處都放了女兒節公仔裝飾。
大眼又諗起re-ment 喇！
呢度有手信紀念品，各式各樣以「新幹線」為題的紀念品....花多眼亂。
「門司港」出名燒咖喱，多種唔同品牌即食燒咖喱包，全九州得呢度有得買
但我地冇買，要食便要食新鮮弄啊！打算去餐廳食。
同埋唔平，一人份一盒要￥500
另一面展出福岡博多車站模型，好仔細。
舊車站情報館
掛在車頭的牌額
以前D車站便當已經咁可愛，雪人便當好過癮
以前d制服好有型！
火車迷可以行大半天！
最早期車票，成嚿木咁重！
可以玩，打票洞
迷你列車，比小朋友玩，大舊想玩！
嘩，睇完呢個館成中午12點！！
沿路的毆式建築很美
這是一間真係銀行「-住友bank」門司分行
見到前面「驛市場」？？
有架「麵包車」拍在舖前面，感覺 似大眼架re-ment 「麵包車」
我地又買草莓，今次兩盒添！！太新鮮了
第二景點-- 舊門司三井俱樂部History:- 重點保護文物的「三井俱樂部」，建於1921,是當時「三井物產」公司接待貴賓的住宿。這裏所以名氣大，是因為在1922，曾招待「愛因斯坦」夫婦在這裏過 X'mas
open: 9am-5pm
fees:自己睇喇！ 不定休。
1/F 免費參觀
2/F 收費，因為展出「愛因斯坦」couple住過的房間。
我地就冇乜興趣睇」愛因斯坦」couple住過的房間，門口影下相咁...
1/F冇嘢睇，又有女兒節啊！
間房係買紀念品
另一間大廳是以前招待貴賓餐聚的地方，不過依家變咗食燒咖喱飯的餐廳。
好快睇完「三井俱樂部」，我地開始行去揾咖喱食，仲有買出名的香蕉手信
「門司港」是焗咖喱的發祥地，滿街週圍都是吃咖喱的店舖。求其揾間吃都好好味
12:40pm 第三景點--海峽plaza(購物餐廳集中地)
又有玻璃館，全九州有好多買玻璃精品店
呢度多嘢食，多嘢買！
在「門司」，不難發現週圍都是與香蕉有關的東西，香蕉果子、香蕉蛋糕、朱古力等。
仲有好多海產買
呢D一條條蕉形包裝是香蕉蛋糕，人氣 no.1，必買
仲買咗「門司卷」，其實也是香蕉蛋糕
蕉型蛋糕裏面真係有香蕉? 其實只是比較甜，有香蕉味的香蕉漿。
「門司港」為早期日本對外開放城市，有大量歐洲式建築物！
好似去咗歐洲，但又人在日本。
呢兩個香蕉人是「門司港」焦點，多人排隊影相！
點解香蕉在這裏出名?因為在明治時期香蕉是東南亞輸入的「洋貨」，第一次上岸到日本的地點就是「門司港」，這裏也是叫買香蕉發祥地。
九州人十分友善，就算冇幫襯都企定比你影相。
如果是我屋企住一世都願。
國際友好紀念圖書館(closed on monday),因為close,冇入去！ 免費。
門司港懷舊展望室(closed on monday)，又係冇去，￥300，可俯瞰「門司港」景色。
呢度有手信買，同埋有間食燒咖喱好好吃，view又頂瓜瓜的餐廳。;
由於頭先商場內餐廳冇位，陰差陽錯地來到呢間！
價錢貴小小！
推介必食燒咖喱鍋！包自助沙律。
又係冇漢字餐牌，職員完全一句英文唔識，溝通好耐....求其見呢張圖，手指指一人一set
搞下搞下成2點至lunch，我地要快，仲有一個館未睇。
呢度大把位，又睇到海景！
我地食下食下間餐廳除了我地冇其他客，阿四咁捨得，包場^^。
來到必食，又真係好好味。
食d沙律減低「熱氣」！日本蕃茄仔好味新鮮，食多幾粒
curry裏面冇肉食。
不過好好食，仲要加隻蛋。真係一試入魂，忽然覺￥1260食到五星級咖喱好低。
冇呃大家，真係有海景睇！
比較之前餐廳，呢間環境舒適，又大把位坐，貴少少都値。(係呀，好多謝你阿四，帶我來這間，好浪漫)
食完lunch，經過附近有一棵櫻花開咗！
雖然得一棵，但有當地人停步欣賞。
剛盛開，好靚。
倉庫改裝成「出光美術館」
有跨海行人大橋。
大舊要過橋！
沿路都見到好多食 curry店！
途步行到「dramaship」，中途d屋好靚。不過近海碼頭，好大風好凍！
設計獨特！
開頭我地以為要￥500一個人fees仲比咗錢....,好彩我八卦睇清楚有中文單張，原來只參觀呢part 「海峽懷舊通」是免費。我幫阿四慳返￥1000！有時八卦係好事。
「海峽懷舊通」重現了大正浪漫時代的風情，將「關門海峽」當時街頭的風貌呈現出來
不過d石頭人假咗d！
屋內係買紀念品。
喜愛懷舊的朋友記得來睇吓！
一比一場景，可以拍劇。
日劇阿信的故事變成阿四的故事！
連糖果也懷舊，又唔貴喎！
舊時d包裝封面有故事，又可以誘人買多幾包！
「當章魚燒遇上沙律醬」^^
舊式戲院。
又有女兒節展覽。
日式琉璃擺設。
不過大眼冇乜興趣，屋企冇位擺。(no,係非賣品呀)
展出當時才有的路面電車，
可以上去坐下！
大舊又搞搞震。
呢度是香蕉拍賣場景，大家睇唔睇到大舊？
這裏展示舊時的「門司港」銀行支店一比一模型
不過e度最古老。
可惜塊玻璃令到穿崩！
個街景會自動由白天漸變夜晚。
5樓有個展望台。也是免費。
大家見唔見到大舊對面條橋，係通去本州的，原來「門司」呢度係九州同本州的交匯處。
大舊含情脈脈跳望港口！
一個寧靜小港。
嘩！成4:30pm至返回車站，車站也是古老建築。
站內keep住咁舊。
今天好似返到明治時代！
跟住要趕去下一站「小倉」。好彩去「西小倉」車程短，只想趕日落影下相，同埋行商場。
門司港三寶--香蕉，焗咖喱，火車留意第三日 part B 小倉城
沒有留言:
張貼留言