continue from day three part A
4:45pm車，下一景點乘火車往小倉，看「小倉城」，要在「西小倉站」下車！
大舊自己一個坐。
沿途好多金字頂日式樓房。
「西小倉站」下車，找南口出口。
成5:30pm至到「西小倉」，因為架火車唔知到邊個站，停咗接近十分鐘才再開車，大失預算。
車站設計新欵。
繼續向前去大約7分鐘左右…轉彎
就見到護城河！好彩三月份日本開始日長夜短，接近六點還未日落。
沿途見到和式舊屋，隔離是新式商場 Riverwalk！
到「小倉城」之前有一個可能是貨倉的東西？
又有「八坂」神社？？
「小倉城」就在眼前，不過它應是古蹟，「大阪城」是80年前重建！
現在回到江戶時代！
簡直是一張明信片！我地覺得呢果城堡靚過「大阪城」。
大舊要做「小倉城」城主！再加個chok樣。
四葉妹做城堡公主。
其實呢度有「松本清張博物館」和「小倉城庭園」，不過已經關門，大家有時間可以買套票睇晒三個館！
其實冇乜興趣睇果D館。只想在城牆出面影相
城樓內雖然關了門，但城外已經好靚，況且只要日落前到來便可。
近住走咗去「小倉城公園」坐
如果開埋櫻花就靚到不得了，成個公園一定人山人海！可惜我地早來了一星期......
不過當時曱甴都唔多隻！呢度應係為賞櫻野餐而設
好似我地咁喜愛日本傳統文化的朋友必到。
開始日落入黑
成個公園冇人，不如又食下士多啤梨！ 大家記住九州三寶-->草莓，明太子，拉麵！！
聖誕老人响「小倉城」，一條友食草莓？
有貓做城堡管理員？
仲好鬼可愛！可能等緊有人帶食物來。
三色貓阿四至愛！
我地坐到6:50pm，離開「小倉城」，大眼因為掛住揾re-ment,專登行咗15 mins揾間大型書店，可惜去到係冇re-ment買，re-ment個網頁， 提供有買的店舖唔準確喎!
結果來回哂了半小時
回程見到「小倉城」，連夜景也靚過人！ Bonus
成8:00pm，我地行咗陣「小倉城」對面的 Riverwalk
設計十分前衛。
不過賣名牌東西多，唔啱我！
同「小倉城」格格不入。
由於太夜，冇乜點行，乘火車返博多。
為了慳錢，回程唔坐子彈(新幹線)，坐普通火車，1200日元左右，大約一小時四十五分才到「博多」，入夜後冇乜嘢睇，冇所謂，反正唔趕時間。
返「博多」才對，唔好上錯車。我地搭 8;55PM車
咁耐車程，記得帶便當食，我地SHARE一個便當食，仲食埋另一盒士多啤梨。架車每隔幾個站便停好耐先再開車....最好响車上打機睇套戲都得...但千奇唔好瞓着，唔係過咗「博多站」就慘喇！
差不多11:30PM才到返到博多車站
，我地到車站附近商場食碗拉麵宵夜先！呢間食「長崎拉麵」，出咗車站隔離個商場裏面，開到零晨四點！今晚咁夜都好多人幫襯，因為明天星期二是他們的假期，「春分日」嘛！
有餃子套餐，ok喎！最搞笑是買票機冇呢個set選擇，連排在我們後面的日本人也唔知點買？好彩麵店有待應主動上前幫手！
今次呢個拉麵一d都唔咸，味道剛剛好，仲有好多蔬菜，湯底唔油，掂呀！
唔記得呢d係乜嘢醬。用來蘸餃子食，好味到震。
不忘到便利店買d零食。「博多」出名明太子，就試下明太子薯片---but得個辣字！
諗住熄咗個暖風，今晚有覺好瞓，點知酒店樓下零晨兩點整路，成晚係咁打庄轉地，唔開窗都超嘈。有冇搞錯？？
沒有留言:
張貼留言