日本九州鐵路之旅2012 day four part A--西公園,博多川端商店街

今天的早餐是選擇洋式早餐，老實說味道麻麻地，不過好懷念餐廳做果位四眼男侍應，佢主動用簡單英語和我們吹水，好多嘢講，連續幾天也是佢招呼

我們，到最後果朝有d唔捨得佢，可惜忘記同佢影相！

食飽後坐地鐵到大濠公園站步行去西公園，其實西公園、大濠公園同舞鶴公園也是睇櫻花勝地，我們選擇去西公園

碰碰運氣！

沿着大街前行三個街口左右再轉左，全程大約十分鐘左右，一定要睇地圖！

西公園被選為100個賞櫻勝地。

西公園深入住宅區內，一個寧靜社區，而且要行一段斜路。

沿途所見未知是否神社之類？

可惜只有一、兩株櫻花開咗，相信如果遇到盛開的話，肯定人頭湧湧！

又比大舊呃咗，佢話由佢按掣開櫻花！

公園內有一間神社，不算太大。

一場來到點都行吓，天氣好，吸吓新鮮空氣。

其實個景也不錯，當攞安慰獎。

只有兩株櫻花也好吸引，全開的話要睇兩、三個鐘！

只見到好多未開的櫻花樹。


 

有一條小路去展望台，側邊有鳥居，數數吓今早已見到三、四個。

呢個地方供人賞櫻，可遠眺港灣，風景好靚，果朝也見到少許人遊花園。

大眼發現一隻貓咪，不過怕人。




大眼攞出一對相思影相，可惜回程時發現唔見咗隻，返轉頭找也找不到，永遠移居日本！

離開西公園後去中州川端站古老商店街，5號出口！

出口已經是商店街，好多嘢賣，大眼又要出動！

人流不多，可以慢慢行，慢慢睇！

出口已經見到藥房，要補充d傷風、止痛藥等。藥房內有懂普通話的職員，估計是招呼台灣遊客。

用慣日本d藥，都幾有效喎！

賣的東西都好平民、好撲素，唔似東京、大阪咁潮。

個人認為吸引力不大＾一＾

最奇怪是日本人愛用圖章？？



不過比我們發現一間元祖拉麵店，仲未食午餐，大舊又要出動！

比其他拉麵店貴少少，不過風味完全不同。 

 

 

阿四揀咗定番，大眼就揀咗櫻組。

 

午市冇乜人，所以比咗嗰小房間我們。餐廳另設吧枱！

 

定番d粗麵可以免費加大到300克，碗湯放在電磁爐上保溫，食嘅時候把麵點入湯內浸一浸，d麵就保持彈牙！

d麵好食，d湯濃淡適中，個人認為今次到日本最好食係呢碗。

大眼的櫻組冇得加底，不過另上白飯，有另一種食法！

就是叫做雜炊，日本人認為d湯汁好味唔好浪費，加碗白飯去。

做成類似湯飯，真係好好好味！

跟住來到商店街最出名的甜品店，一場來到必定朝聖。



呢度只賣紅豆沙糯米餅，日本傳統甜點。

我發現日本冇乜收銀員，全部用上自動售票機。

店內放置「博多祇園山笠」祭典用的山笠，有兩層樓咁高，可是呢度只在週五、六日及假期才營業。

400日元有點揾笨！唉！旅遊就不要計較。

口感煙韌，在hk食唔到。