今年三月份九州之旅，其實早一個月(二月頭)已book 機位，最平的經濟位居然full哂，而較貴的Lclass(平均貴$500一位)也只餘6個機位，唯有選 $3890 的L class package，邊個話宜家冇人去日本!
Basic $3890=來回機票 +兩晚酒店，我地加多兩晚酒店 ($1500) + 燃油附加 & tax等 ,兩個人 total= $10838 (共玩 五日四夜)
呢個class可以儲飛行里數，雖然貴咗但係可以儲分同坐機較前坐位，舒服好多！
至於唱Yen,我好好彩，臨出發前一日，yen價最低，跌到落￥10000= 932(cash rate)，比起舊年十月去大阪高峰期 要￥10000=1010 好好多了，可以放肆shopping!
(自我安慰
)相信日本九州這地方不是香港人熱門的選擇。但是我們卻超喜歡這個平靜，人口不多，很樸素(未被遊客污染)的地方。除了在飛機上見過只有一團香港旅行團，幾pair HK客，跟住機內一半以上大部份都是日本人。所以這五天之旅基本上我們一個香港人也見唔到，姊姊還問我們驚唔驚，我們卻不驚，還大呼好爽呀，唔駛好似東京大阪咁撞口撞面是HK people, 大陸人...第一次真真正正完全溶入日本人的生活，仲有機會用有限日本語與他們交談，唔知係咪睇日劇多，開始明白他們說什麼，呵呵！
宜家帶大家一起去回憶我去過的地方。其實我已是第二次到九州了，今次嘗試鐡道之旅，及注要玩福岡這個城市。
注意:香港每天只有一班細機(港龍)是直航飛福岡，所以機位很緊張的！
第一日: 3月17日(星期六)，天氣清涼，陰天
上午 11:20 機，機程大概 3小時
飛機餐，唔錯，有和風牛肉飯
日本比HK快一小時，我地出閘已是下午 3:40pm
福岡機場，好細一個機場，建在福岡市區內，好似以前HK 啟德機場
由於機場本身是在市區，只需乘地下鐵兩個站便到博多站，超級方便....我地呢幾日住在博多。
但係福岡機場是分國際線大樓及國內線大樓，地下鐵是在國內線果邊，咁我地便要首先搭呢D免費shuttle bus去國內線大樓先
留意每15分鐘一班車的。
經過 10 mins 車程到着國內線了。一下車便見地鐵站(福岡空港站)了。
呢part行樓梯
後面有電梯的，抬行李上落小心D!!
日本地鐵都唔平，搭一個站最平都要 ￥250，咁我地遊客買1日pass最化算，更加是在福岡的地鐵，平日就￥600 for one day pass，如果是星期六日or 公衆假期就￥500咋！
D售票機有英文畫面選擇的
兩個站就到博多了，好快
博多車站是一個大站，裏面除了地鐵，也是JR，新幹線的大站，車站大樓上蓋及地下也是一個惹大的購物城，想買手信這裏最多最齊。
路經見到車站便當，已經忍唔住走入去睇，D飯盒款好靚呀，想買 hello kitty及
新幹線飯盒，oh!!買哂，明天請早！
行出車站大樓已經見到我地住果間酒店-- Sun Life Hotel Fukuoka Building 2 & 3
此酒店隔離便是 #11號地鐵出入口，相當方便
還有酒店地下便有24hrs便利店
雖然房間細D,但呢間酒店勝在近車站，近地鐵，又包早餐，唔錯了。
check in 2:00pm check out 10:00am
呢五天都住呢問 Room 3102，我地本來是訂了semi-double room(only一張4x6標準雙人床),酒店話upgrade我地去double room( queen size bed),唔駛加錢，唔錯唔錯。
一眼望哂
基本牙膏牙刷，浴液及shampoo，風筒都有，不過冇浴帽，留意！
搞下搞下，都 5:00pm，爭取時間，即刻搭地鐵車去姪濱站，我地目的地去 Marinoa city outlet 血併。
福岡地鐵比HK更簡單。
5:30pm左右到姪濱站，更住在車站門口改乘這些叫昭和bus的小巴往 outlet，￥100一程，總站下車便可
今天是星期六，居然冇乜人搭？車裏面格局似HK的小巴。
車外風光，正到....沿途盡是昭和屋，真係好似返咗日本舊時，睇到我嘩嘩聲，比間我住就好了。
話咁快到outlet，已就快6:00pm，outlet收8:00pm，仲有兩個小時行。下車後有個日本人主動走埋嚟幫我地影相，超感動，日本人真是好樂意助人。
跟住記得响入口到拿張半價票，搭回程的昭和bus 返地鐵站姪濱站半價￥100變 ￥50，其實我還拿了數張方便我曰後再有機會來福岡玩，咁來回程車費都有半價了。
Marinoa city outlet, 包括outlet mall(有超過150間舖,無印、francfranc、abc mart、nike、beams、aba house、seiko、citizen、unique、levis等)
，大型美食廣場，及兩個巨型摩天輪，可以俯瞰福岡市海灣的景色。
outlet 本身已經平，但剛巧遇上日本人的假期「春分日」，咁就折上折，每間都推出幾款貨品放在門口當眼處作割喉式減價。
呢D長boot質地靚，可惜毛毛太厚身，香港天氣不適合。
好大間 franc franc
响日本買錶一定平，第一時間衝去 citizen 掃錶，指定目標，光動能果D款。
嘩，呢隻好型，福山雅治都用，可惜要￥169300
最後掃了男女款各一隻。
原來剛於2012年3月16日(即是我到福岡前一日)，新開了SF 森林家族專買店，各位sf迷去九州唔好錯過！！！
全部買SF,雖然我沒有儲開 SF ，但不妨入店逛逛，睇下有冇可配RE-MENT場景用。
店內唔比拍照，門口影。
應該比出面平，我估打咗8折至85折...仲有限定福袋買，不過太大袋我冇買。暫時冇收獲，只是扭了幾隻扭蛋。因為第二日會去sf樂園玩，可能果到多款睇呢！
ABC Mart,阿四買咗 vans鞋！
無印我地响裏面半個鍾，又試衫又試褲，因為真係減得好平，買咗好多....
又去咗化妝品店、adidas、等，好快就8:00pm，行唔哂，我地未夠喉，決定尾二果日再來outlet。自由行好處就是這樣，隨時改行程。
夜幕低垂，影outlet出面，教堂好美。
摩天輪
呢個就是等bus返地鐵站的bus stop
我地9:30pmback返酒店放低戰利品，然後再出動，唔知點解咁好精力？？
由博多站出發，我地再乘地鐵(一個站)去中洲川端站
本來想去中州一帶屋台吃拉麵，原來如果搭地鐵要行好耐(15mins)才到
上到地面，這裏好熱鬧，嚴如新宿「歌舞妓町」一樣，都是一些食肆跟紅燈區....
由落機至晚上十點，只吃過一餐飛機餐，衰掛住shopping....極度肚餓，如果再行15mins找屋台，暈低都似
，決定附近揾食，地鐵斜對面有好多食店，本來想吃「暖暮拉麵」(九州博多拉麵 No.1)，因為weekend裏面大排長龍(果然日本人真係飲完酒夜麻麻才吃碗麵做消夜)
見到樓上食肆有間居酒屋，全部飲品食品每款才￥270。
呢間叫「炭火燒鳥酒家」，主打燒烤串燒...不過我其實覺得似和民，食物款色都係小吃加飲料為主。
真係每樣才￥270，算平！
坐低睇餐牌先至嫳家伙，裏面全大部份是片假明(五十音字),冇乜漢字，冇圖(除咗飲料有圖)，又冇英文，D職員一句英文都唔識，又難怪，果度百份之90以上我估都係做本地人生意，鮮有遊客，唔怪得我地一入來隔離果枱日本人係咁好奇望我地。死囉
，結果我地用有限日語加指手劃腳同職員溝通溝通...好彩日本人出名禮貌好，有耐性！ 
原來這部機可自動入單，經過職員試範講解ok哂，總之有圖就得了。
呢兩個前菜(免費)。
搞下搞下，成十點幾才晚餐，其實食宵夜至真！
我地唔飲酒，但呢間冇供應非酒類飲品，叫咗易入口的巨峰提子果汁酒，係好好飲，飲完呢大杯我開始好熱，個人ring ring 地，好high咁，我估我微醉了。
串燒豬勁肉
博多名物--內臟火煱，不過個幾粒肉唔知係乜動物內臟？？同埋蔬菜多囉，幾粒肉咋。原來全日本係九州人較會吃雞牛豬的肉臟。
呢個玉子好吃到不得了，在日本求其揾間食玉子的已經好吃過在HK吃到的千萬倍。
再來餃子，雞翼，魚生(碟燒拖羅都係￥270??平到咁，仲有五大片。)
食到11點幾，埋單，先發覺原來要加一，佢地呢間加一係計人頭，每位另加￥270，咁我地叫咗8樣嘢(￥270 X 8=￥2160 + 人頭費(￥540)，咁唔只10%，係20%charge，當然食越多越抵咁計喇...算罷，出來旅行，我成日覺得自己呢D婆媽數計到足，但係一shopping就買貴咗當唔知，贏就贏粒糖，輸就輸間廠
)
居酒屋D嘢咁細碟，我地其實可以吃多一碗麵都ok...由中洲川端諗住行番去博多的酒店約20分鍾，諗住一路行一路尋找屋台踪影....點知中途見到呢間驚安24小時店，shopping癮發作，夜麻麻12點兩條友仲响到買嘢，酒精上腦!!
咁就買下買下，拿住一大袋返歸，沿路不見有屋台....有都唔食喇，宜家係超級眼瞓
呢度就係博多車站大樓，兩旁全是購物building，百貨店，大家唔好誤會九州冇嘢買，淨呢個車站附近的百貨群一日都行唔哂，出血？簡直流血不止
望下張相個鐘，返到酒店已凌晨1點15分，我地第一日玩到咁...明天知死，驚起唔到身。
又一大袋宵夜戰利品，冇吃到果晚，好快倒頭大睡...間酒店又熱又焗，開唔到窗，搞乜？
第一天完
請留意第二日行程，兩條友加隻貓會遇到乜？？
請留意第二日行程，兩條友加隻貓會遇到乜？？
